Bildelar lokalt på Voss

Føretrekk du å skru sjølv? Då er det greitt å veta at Autoshop har slitedelar, oljefilter, lykter, elektromateriell og alt du elles måtte trenga av reservedelar og utstyr, i alle prisklassar, Som regel finn me det du treng av bildelar, på lageret vårt. I tillegg har me gode avtalar med leverandørane våre, som sikrar rask levering. Fagfolka våre syter for at du alltid får nøyaktig det produktet du treng for å få jobben gjort.

Slitedelar

Me veit kor viktig det er med rett del til rett bil. Amcar eller elbil, nyare eller eldre modell, den einaste snarvegen som er verd å ta, er den som går rett til leverandøren av dei riktige delane. Me leverer elektriske delar som bilbatteri og dynamo, bildelar som bremseklossar, bremseskiver og eksosannlegg og viskeutstyr som viskeblad og spylepumpe til konkurransedyktige prisar og i høg kvalitet.

Fyll ut skjema for pristilbud på slitedel

Hent slitedelen allereie same dag

Dersom du kontaktar oss før klokka 11, har me som regel slitedelane du treng, klare for henting hjå oss allereie same dag.

Bestill slitedelar her

Lakk og overflater

Har du vore uheldig og fått steinsprut eller ripe i lakken? Eller ynskjer du å styla bilen din til noko heilt spesielt? Produkta du treng, finn du sjølvsagt hjå oss, i alle variantar. Når du lakkerer, er det viktig å nytta rett fargekode. Me hjelper deg å finna riktig farge på lakkstift og lakk. I tillegg har me plastlim til reparasjon av støytfangar, kantar og andre plastdelar på bilen. Her er det viktig med rett lim til ulike typar plast. Eksospasta til forsegling og reparasjon av alle typar eksosanlegg finn du og hjå oss, saman med rustfjernarar og andre typar teknisk spray. Vegen til ein strøken bil startar med ein tur til Autoshop.

Lys og lykter

Som NDS-partnar har me rask tilgang til NDS sitt store sortiment av baklys, frontlys, posisjonslys og at du elles kan tenkja deg av lys til bilen, inkludert NDS si eiga premium merkevare Lyzzpro. Stikk innom butikken, syn oss bilen din, og me hjelper deg med å finna rett lykt til akkurat din bil.

Lyspærer

Om du har lyspærer eller andre lys-komponentar som treng å skiftast ut, så har me tilgang til det meste. Mykje har me allereie hjå oss i Skulestadmo, men i tillegg har me kort veg til NDS sine lager. Fortel oss kva du ynskjer, og me ordnar det.

Våre samarbeidspartnere

Vindusviskere, ei rimeleg forsikring.

Slit du med å sjå vegen? Me sel Bosch vindaugsviskarar, og hjelper deg gjerne med montering. Kom innom butikken for å sjå utvalet.

Vis omsyn og bli sett

På Voss seier me ljos heller enn lys, men uansett dialekt er dette noko av det viktigaste du har på bilen din, både for å sjå og for å verta sett. Ljos handlar om å ta dei rette vala for trygg køyring.

Gode lykter kan vera det som gjer at du kjem deg trygt heim, og ikkje råkar ut for ei ulukke. Køyrer du på mørke vegar, og vil ha godt oversyn over både vegbana og sidene av vegen, kan me hjelpa deg med lys frå kjende merke som Hella, Rigid, Lazer eller Lumen.

Kom innom oss og fortel kva du treng. Saman finn me dei rette lyktene til akkurat ditt behov og din bil, anten det gjeld frontlykter, ryggelys eller ekstralykter. Sjølvsagt har me og relésett og anna elektronisk materiell som høyrer til.

Få pristilbud på bildelar

Ta kontakt dersom du ynskjer pristilbod eller har spørsmål når du leitar etter reservedelar og tilbehøyr til din bil.

Fyll ut skjema